நீ வருவாய் என..

யாரோ வந்தனர்

யாரோ சென்றனர்

கடல் அலையை விட

கூட்டம் கூட்டமாய் மக்கள் அலை;

உயிரற்றோரின்

உடல்களை பெறவும்,

உயிருள்ளோருக்கு

உடைகளை
தரவும்;

உண்மையான பரிவுடன்

சிலரே சிலரும்,

உன்மத்த மனதுடன்

உயிர் கொண்ட ஜடங்கள் பலரும்;

பிச்சை அளிப்பதில் கூட

பெருமிதம் கொள்வோரும்;

பிரித்து கொடுப்பதை கூட

புகைப்படம் எடுப்போரும்;

எல்லாரும் வருகிறார்கள்

ஏதேதோ தருகிறார்கள்;

எத்தனை பேர் வந்தாலும்

என் கண்கள் மட்டும் உன்னை தேடி..

பசி ஆற்ற பலர் வரினும்

பாசத்தோடு ஊட்ட நீ தானே வேணும்!

என் பட்டினி

பொறுக்காத

பத்தினி நீ;

நம்பிக்கையுடன் நாளையும்

காத்திருப்பேன் பசியோடு!

பரிவுடன் என் பசி தீர்க்க

அம்மா நீ வருவாய் என...